नेपाल टी-२० लिगको फाइनल पुग्न जनकपुरलाई १६८ रनको लक्ष्य

खेलमा टस जितेर पहिलो ब्याटिङ गरेको विराटनगर सुपर किङ्सले जनकपुर रोयल्ससामू १६८ रनको लक्ष्य प्रस्तुत गरेको हो।

नेपाल समय | मंगलबार, पुस २६, २०७९

नेपाल समय

मंगलबार, पुस २६, २०७९

नेपाल टी-२० लिगको फाइनल पुग्न जनकपुरलाई १६८ रनको लक्ष्य

काठमाडौं- कीर्तिपुरको त्रिवी क्रिकेट मैदानमा जारी नेपाल टी–२० को दोस्रो क्वालिफायरमा जनकपुर रोयल्सले १६८ रनको लक्ष्य पाएको छ। खेलमा टस जितेर पहिलो ब्याटिङ गरेको विराटनगर सुपर किङ्सले जनकपुर रोयल्ससामू १६८ रनको लक्ष्य प्रस्तुत गरेको हो।

पहिले ब्याटिङमा आएको विराटनगरले निर्धारित २० ओभरमा ६ विकेट गुमाएर १६७ रनको योगफल खडा गर्‍यो।

विराटनगरका ओपनर गौरान्सु शर्माले सर्वाधिक ४२ रन बनाएका छन्। अर्को ओपनरले अर्जुन साउदले ३५ रन बनाउँदै ओपनिङमा यि दुई खेलाडीले ५९ रनको साझेदारी गरेका थिए।

खेलमा हुसैन तलातले ३१ र राज नाननले ३३ रन जोडे। विराटनगरका कप्तान रोहितकुमार पौडेल भने एक रनमै पभेलियन फर्किए। अघिल्लो खेलमा ब्याटिङ गरेका विवेक यादबले ६ रन थप्दा अमरसिंह रौटेल ६ र पृथु बास्कोटा दुई रनमा अविजित रहे।

बलिङतर्फ जनकपुरका जितेन्द्र मुखियाले दुई विकेट लिए भने समिउल्लाह सिन्वारी, ललित राजवंशी र सरफुद्दिन अस्रफले समान एक विकेट लिएका थिए।