आधा घण्टाभन्दा ढिलो गरी भयो टस, विराटनगरले पहिले ब्याटिङ गर्ने

काठमाडौं – कीर्तिपुरको त्रिवी क्रिकेट मैदानमा जारी नेपाल टी–२० लिगको दोस्रो क्वालिफायरमा निर्धारित समयभन्दा ४० मिनेटपछि मात्र टस हुन सकेको छ। जनकपुर रोयल्सका खेलाडी समयमै मैदानमा उपस्थित हुन नसकेपछि प्रतियोगितामा ढिलो गरि टस भएको हो।

विराटनगर सुपर किंग्सले टस जितेर पहिले ब्याटिङ रोजेको छ। यससँगै जनकपुरले भने पहिले फिल्डिङ गर्ने भएको छ।

अहिलेसम्म जनकपुरका खेलाडीले ६५ प्रतिशत मात्र पारिश्रमिक पाएका छन्। र, आजको खेलमा जुन टिमले हार बेहोर्छ त्यो टिम प्रतियोगिताबाटै बाहिरिनेछ। त्यसैले खेलाडीको पेमेन्टको कुरा अघि बढेको हो।

पुरा पारिश्रमिक नपाउँदै काठमाडौं नाइट्स र फार वेस्ट युनाइटेड भने बाहिरिसकेका छन्। पोखरा एभेन्जर्स र लुम्बिनी अलस्टार्समा भने पारीश्रमिकको समस्या नभएको खेलाडीले बताएका छन्।