तनहुँमा बस र माइक्रो ठोक्किँदा दुई महिलाको मृत्यु

दमौली- तनहुँको दमौलीमा बस र माइक्रो बस ठोक्किँदा दुई जनाको मृत्यु भएको छ । 

मंगलबार बिहान पोखराबाट भैरहवातर्फ आउँदै गरेको लु १ ख ४१९४ नम्बरको ट्रक र दमौलीबाट पोखरातर्फ जाँदै गरेको बा ३ ख ४४४२ नम्बरको माइक्रोबस म्याग्दे गाउँपालिका–४ मनहरीमा ठक्किँदा उनीहरूको मृत्यु भएको हो।

मृत्यु हुनेमा व्यास नगरपालिका- ११ मुलपानीकी सरस्वती कुँवर र व्यास ४ की  ५० वर्षीया चिजामाया श्रेष्ठ रहेकाे  प्रहरी नायब उपरीक्षक श्यामु अर्यालले जानकारी दिए। माइक्रोबसका चालक तुलबहादुर विक गम्भीर घाइते भएका छन् । 

दुर्घटनामा आठ जना घाइते भएका छन्। उनीहरूलाई उपचारका लागि पोखरास्थित मणिपाल शिक्षण अस्पताल लगिएको छ।