विराटनगरसँग हारेको फारवेस्ट लिग चरणबाट बाहिरियो

काठमाडौं– नेपाल टी२० लिगमा विराटनगर सुपर किंग्सले फारवेस्ट युनाइटेडलाई ३ रनले पराजित गरेको छ। टियु मैदानमा विराटनगरले १४८ रनको लक्ष्य दिएकोमा फारवेस्टले २० ओभरमा ९ विकेट १४४ रनमात्र बनायो।

फारवेस्टका लागि हशमतुल्लाह शाहिदीले ५८, उमर अलि २३, विनोद भण्डारी र नुर अहमद समान १० रन बनाए। यता विराटनगरका लागि राज नाननले सर्वाधिक ३, सूर्य तामाङले २, कियोन जोसेफ र नन्दन यादवले समान १–१ विकेट लिए।

त्यसअघि विराटनगर सुपर किंग्सले फारवेस्ट युनाइटेडलाई जितका लागि १४८ रनको लक्ष्य दिएको थियो।

विराटनगरका लागि हुसेन ५०, विवेक कुमार यादवले ३५,अर्जुन साउदले २२, रोहित पौडेलले २१ रन बनाएका थिए। बलङतर्फ फारवेस्टका लागि उमर अलिले सर्वाधिक २, करण केसी र दुर्गेश गुप्ताले समान १–१ विकेट लिएका थिए। यो पराजयसँगै फारवेस्ट लिग चरणबाट बाहिरिएको छ।