जनकपुर र लुम्बिनी टी२० लिगको क्वालिफायर्समा

काठमाडौंमा जारी नेपाल टी२० लिगमा जनकपुर रोयल्सले लुम्बिनिलाई २३ रनले पराजित गरेको छ। आज भएको पहिलो खेलना जित निकाल्दै जनकपुरले क्वालिफायर्समा लुम्बिनीसँगको भेट सुरक्षित बनाएको हो। 

१ सय ६० रनको लक्ष्य पछ्याएको लुम्बिनीले १७ ओभरमा ७ विकेट गुमाएर १ सय ३६ रन मात्र बनाउन सक्यो। लुम्बिनीका लागि अनिल शाहले ३५ रन, लाहिरु मिलन्थाले ३२ रन, सुनिल धमला २७ रन, गुलसन झाले अविजित १० रन बनाए। 

उता जनकपुरका लागि ट्राभोन ग्रिफिथले ३ तथा समिउल्लाह शिनवारीले २ विकेट लिए। 

त्यसअघि टियु मैदानमा टस हारेर पहिले ब्याटिङको निम्तो पाएको जनकपुरले २० ओभरमा ६ विकेट गुमाएर १५९ रन बनाएको थियो। जनकपुरका लागि कप्तान ट्राभोन ग्रिफिथले ४७ रन, शरफुदिन असले ३४ रन, खडक बोहोरा २२ रन र शमिउल्लाह शिनवारीले २० रन बनाए। 

लुम्बिनीका लागि सागर ढकाल र कप्तान कुशल भुर्तेलले दुई दुई विकेट लिए। प्याट ब्राउन र इशाान पाण्डेले एक एक विकेट लिएका थिए। १० खेलमा १६ अंक रहेको लुम्बिनी तालिकाको शीर्ष स्थानमा रहेको छ।

१० खेलमा ७ जित र ३ हार व्यहोरेको जनकपुर १४ अंक सहित जनकपुर अंक तालिकाको दोस्रो स्थानमा रहेको छ। दुवै टोलिले क्वालिफायर्समा स्थान बनाएका छन्।