सोतोकान र क्योकुसिन टोली आज भारत जाँदै

काठमाडौं- प्रथम अन्तर्राष्ट्रिय खुला फुल कन्ट्याक्ट कराते च्याम्पियनसिपमा सहभागी हुन नेपाल इन्टरनेसनल क्योकुसिन कराते संघको टोली बिहीबार भारतको गुहाटी प्रस्थान जाँदैछ। टोलीलाई सफलताको शुभकामना दिँदै राष्ट्रिय खेलकुद परिषद्का सदस्यसचिव टंकलाल घिसिङले हिजो बुधबार एक कार्यक्रमबीच बिदाइ गरे।

संघका महासचिव एवं ब्रान्च चिफ प्रेमनाथ श्रेष्ठको नेतृत्वमा १५ खेलाडीसहित २१ सदस्यीय टोली भारत जान लागेको हो।  त्यस्तै, भारतको कोलकातामा हुने ३१ औं खुला अन्तर्राष्ट्रिय सोतो कपमा सहभागी हुने सोतोकान टोली पनि आजै कोलकाता प्रस्थान गर्दैछ।

उक्त टोलीलाई पनि हिजो बुधबार राखेपमा विदाइ  गरिएको हो। जनवरी ७ देखि ८ तारिखसम्म हुने प्रतियोगितामा ५६ खेलाडीले विभिन्न स्पर्धामा नेपालको चुनौती प्रस्तुत गर्ने छन्। नेपाल सोतोकान कराते संघका महासचिव श्याम शेर्पाको नेतृत्वमा खेलाडीसहित ६२ सदस्यीय टोली बिहीबार कोलकाता प्रस्थान गर्दैछ।