पिएसजीको अपराजित यात्रा कायमै

फ्रेन्च (एजेनसी)-डिफेन्डिङ च्याम्पियन पेरिस सेन्ट जर्मेन (पिएसजी) ले फ्रेन्च लिग वान फुटबलमा आफ्नो अपराजित यात्रालाई कायम राखेको छ । लिग वान अन्तर्गत आइतबार राति भएको आफ्नो छैठौं खेलमा पीएसजीले रेनिजलाई ३-१ ले पराजित गर्दै आफ्नो अपराजित यात्रालाई कायामै राखेको हो । 

रेनिजको घरेलु मैदानमा पीएसजीको जितमा एन्जल डि मारिया, थोमस म्युनिर र इरिक म्याक्सिम चुप्पोले गोल गरे । रेनिजले आत्मघाती गोल उपहार पाएका थियो ।

खेलको ११औं मिनेटमा पीएसजीका एड्रियन राविओटको आत्मघाती गोलबाट पछि परेको थियो । तर, डि मारियाले ४५औं मिनेटमा बराबरी गोल फर्काउन सफलल भएका थिए । दोस्रो हाफमा खेलमा फर्किएको पीएसजीले थप दुई गोल गर्दै टिमको जित पक्का गरे ।

६१औं मिनेटमा नेयमारको पासमा थोमस म्युनिरले गोल गरेपछि पीएसजीले खेलमा २-१ को अग्रता लियो । ८३औं मिनेटमा इरिकले गोल गरेपछि पीएसजीले रेनिजमाथि ३-१ को सहज जित निकालेको हो ।

जितपछि अपराजित रहेको पीएसजी ६ खेलबाट १८ अंक जोडेर लिगको शीर्ष स्थानमा यथावत रहेको छ । रेनिज ८ अंकसहित १०औं स्थानमा छ ।