विवादले ढिलाइ भएको खेल ९ ओभरमा झारियो

काठमाडौं– कीर्तिपुरमा जारी पहिलो संस्करणको नेपाल टी२० लिग विवादका कारण रोकिँदा ढिलाइ भएपछि ९ ओभरमा झारिएको छ। खेलाडी र आयोजकबीचको विवादका कारण ढिला गरी सुरु भएको टी २० खेल ९ ओभरमा छोट्याइएको हो।

जारी पहिलो संस्करणको नेपाल टी–ट्वान्टी लिगमा विराटनगर सुपर किंग्सले काठमाडौं नाइट्सलाई ९३ रनको लक्ष्य दिएको छ। टस जितेर पहिले ब्याटिङ गरेको काठमाडौंले ९ ओभरमा ५ विकेट गुमाएर ९२ रन बनाएको छ।

काठमाडौंका लागि सन्दीप रजाली ३२ र कमलसिंह ऐरी १४ रनमा अविजित रहे। कप्तान ज्ञानेन्द्र मल्ल १४ रन र एलेक्स ब्लेकले १३ रन बनाए। विराटनगरका लागि नन्दन यादवले ३ विकेट, हुसेन तलत र कियोन जोसेफले समान १/१ विकेट लिए।