आइतबार, चैत १९, २०७९

पाकिस्तानी फिल्म मौला जट्टलाई भारतमा प्रतिबन्ध

फिल्म रोकिनुको कारणबारे केही खुलाइएको छैन र अर्को मिति पनि दिइएको छैन।
 |  मंगलबार, पुस १९, २०७९

नेपाल समय

नेपाल समय

मंगलबार, पुस १९, २०७९

काठमाडौं– पाकिस्तानी फिल्म द लिजेन्ड अफ मौला जट्टलाई भारतमा प्रतिबन्ध लगाइएको छ। सन् २०२२ को अधिक चर्चामा रहेको मौला जट्ट पाकिस्तानमा अहिलेसम्मकै धेरै कमाइ गरेको द्वन्द्वप्रधान फिल्म हो।

National life insurance

यो फिल्म ३० डिसेम्बरमा दिल्ली र पञ्जाबका हलमा रिलिज हुने बताइएको थियो। भारतीय सेन्सर बोर्डले यो फिल्म प्रदर्शन रोक्नुको कारण केही खुलाएको छैन। समाचार संस्था पीटीआईले भारतको मल्टिप्लेक्स सिनेमा समूह पीभीआर र आईनक्सका एक कर्मचारीलाई उद्धृत गर्दै प्रदर्शन रोकिएको जनाएको छ।

फिल्म रोकिनुको कारणबारे केही खुलाइएको छैन र अर्को मिति पनि दिइएको छैन। केही भारतीय सञ्चार माध्यमले त्यहाँको सेन्सर बोर्डले प्रदर्शनको अनुमति फिर्ता लिएको जनाइएको छ। तर यसबारे सेन्सर बोर्डले आधिकारिक रूपमा केही बताएको छैन।

भारतमा ‘मौला जट्ट’को वितरणसम्बन्धी अधिकार जी स्टुडियोसँग छ। प्रदर्शन रद्द भएको विषयमा जी स्टुडियोका तर्फबाट कुनै वक्तव्य आएको छैन।‘मौला जट्ट’ भारतमा रिलिज भएको भए सन् २०११ मा ‘बोल’पछि हलमा प्रदर्शन हुने पहिलो पाकिस्तानी फिल्म हुन्थ्यो।

‘मौला जट्ट’का अभिनेता फवाद खान र अभिनेत्री माहिरा खान पनि बलिउडमा चर्चित छन्। माहिराले सन् २०१७ मा शाहरुख खानको फिल्म ‘रईस’मा काम गरेकी थिइन्। फवादले बलिउडका धेरै चर्चित फिल्ममा अभिनय गरेका छन्।

worldlink

सन् २०१६ को उरी आक्रमणपछि इन्डियन मोसन पिक्चर्स एसोसिएसनले पाकिस्तानी कलाकार र गायकलाई भारतीय फिल्ममा काम गर्न प्रतिबन्ध लगाएको थियो। महाराष्ट्र राज्यमा शिवसेना र महाराष्ट्र नवनिर्माण सेनाले पाकिस्तानी कलाकारलाई काम गर्न नदिने र उनीहरूले अभिनय गरेको फिल्म प्रदर्शन गर्न नदिइने धम्की दिएका थिए।

प्रकाशित: Jan 03, 2023| 12:14. 56 मंगलबार, पुस १९, २०७९
प्रतिक्रिया दिनुहोस्

थप समाचार

रहरले साहित्यकार कि तीक्ष्ण लेखन?

सिर्जनाभित्र मानिस र मानिस बाहेकका विषयले स्थान पाउँलान्। तर ती विषयलाई कसरी शिल्पिवद्ध गर्ने  लेखकको क्षमतामा भर पर्ने कुरा हो।

समापन भयो बुद्ध थिएटर फेस्टिभल

१३ चैतदेखि जमलस्थित सांस्कृतिक संस्थानमा सुरु भएको महोत्सव पाँचौं दिन वीरेन्द्र हमाल निर्देशित नाटक ‘चक्षु’ देखाउँदै समापन गरिएको हो।

मौन आवाज र अभिव्यक्तिभित्रकी मृदुभाषी झमक

सामाजिक सञ्जालका भित्तामा उनका भावना बेला–बेला पोखिएका हुन्छन्। मोबाइलको किबोर्डमा पनि उनका ती दुई खुट्टाकै औंला कुदिरहेका हुन्छन्। अहो ! कस्तो विलक्षण प्रतिभा।

सपना देख्न सिकाउने 'मैले नदेखेको सपना'

गिरीको पुस्तकमा गाउँबेसीको महक छ अनि सहरको चमकधमक पनि। पुस्तकमार्फत् उनी  बारम्बार गाउँ पुग्छन् र त्यहाँको सुन्दरतासँगै रुढि, अज्ञानता अनि अशिक्षा पनि देखाउँछन्।