काठमाडौं किंग्स ५ विकेटले पराजित

काठमाडौं– पोखरा एभेन्जर्सले काठमाडौं किंग्सलाई ५ विकेटले पराजित गरेको छ। सोमबार त्रिवि क्रिकेट मैदानमा काठमाडौंले दिएको १६५ रनको लक्ष्य पोखराले १९.४ ओभरमा पूरा गरेको छ। 

पोखराका लागि सुतिम महतोले ७६ रन,  कप्तान उपुल थरंगाले ५८ रनको अर्धशतकीय योगदान गरे। काठमाडौंका लागि कमलसिंह ऐरीले ३ विकेट लिए भने अनिल खरेल र अभिनाश बोहराले समान १ विकेट लिए। 

काठमाडौं नाइट्सले पोखरा एभेन्जर्सलाई १६५ रनको लक्ष्य दिएको छ। त्रिवि मैदानमा टस हारेर पहिले ब्याटिङ गरेको काठमाडौंले २० ओभरमा ४ विकेट गुमाएर १ सय ६४ रन बनायो।

काठमाडौंका लागि एलेक्स ब्लेकले ६४ रन, सुनाम गौतमले ४५ तथा वीरनदीप सिंहले ३२ रन बनाए। पोखराका लागि तुलबहादुर थापाले २ तथा प्रतिश जिसी र कुशल मल्लले समान १/१ विकेट लिए।