टी२० लिग: जनकपुरलाई हरायो काठमाडौंले

जारी पहिलो संस्करणको नेपाल टी२० लिग अन्तर्गत आज भएको पहिलो खेलमा काठमाडौं नाइट्स ९० रनले विजयी भएको छ।

नेपाल समय | आइतबार, पुस १७, २०७९

नेपाल समय

आइतबार, पुस १७, २०७९

काठमाडौं– जारी पहिलो संस्करणको नेपाल टी२० लिग अन्तर्गत आज भएको पहिलो खेलमा काठमाडौं नाइट्स ९० रनले विजयी भएको छ। त्रिवि क्रिकेट मैदानमा काठमाडौंले दिएको १८१ रन पछ्याएको जनकपुरले १९.१ ओभरमा सबै विकेट गुमाएर ९० रन मात्रै बनाउन सक्यो।

जनकपुरका लागि शराफुद्दीन अशरफले सर्वाधिक ३७ रन बनाए। त्यस्तै सोमपाल कामी २१ रनमा अविजित रहे भने खड्क बोहोराले १० रन बनाए। काठमाडौंका लागि अभिनास बोहोराले सर्वाधिक ४ विकेट लिए। त्यस्तै जमातुल्लाह उमरजाईले २ विकेट लिँदा कमल सिंह ऐरी, अनिल खरेल र बसिर अन्सारीले समान १–१ विकेट लिए।

यसअघि टस हारेर पहिले ब्याटिङ गरेको काठमाडौंले २० ओभरमा ६ विकेट गुमाएर १ सय ८० रन बनाएको थियो। उसका लागि सुनाम गौतमले ६२ रन, रायन बर्लले ६१ रन र एलेक्स ब्लेकले २० रन बनाए।

जनकपुरका लागि जितेन्द्र मुखियाले २, शरफुदिन असरफ र कप्तान ट्राभोन ग्रिफिथले समान १–१ विकेट लिएका थिए। यो जितसँगै काठमाडौं ५ खेलबाट ६ अंकसहित अंक तालिकाको तेस्रो स्थानमा रहेको छ। यता ६ खेलमा चार जित निकालेको जनकपुर ८ अंकका साथ अंक तालिकाको दोस्रो स्थानमा रहेको छ।

प्रकाशित: Jan 01, 2023| 12:47 आइतबार, पुस १७, २०७९