काठमाडौं– रौतहटमा जिप र मोटरसाइकल एकआपसमा ठोक्किँदा दुईजनाको मृत्यु भएको छ। मृत्यु हुनेहरु मोटरसाइकलमा सवार हुन्।
गौर–चन्द्रपुर सडक खण्डअन्तर्गत माधवनारायण नगरपालिका–३ सखुअवामा ना १ ज ६७४९ नम्बरको म्याजिक जिप र बा ३९ प ८८६५ को नम्बरको मोटरसाइकल ठोक्किँदा दुईजनाको मृत्यु भएको हो। शनिबार साँझ भएको दुर्घटनामा माधवनारायण–२ का ६५ वर्षका परमात्माप्रसाद साह र वडा नं २ का ६५ वर्षकै गौकरण यादवको ज्यान गएको प्रहरीले जनाएको छ।
मोटरसाइकलमा सवार उनीहरु दुर्घटनामा गम्भीर घाइते भएका थिए। सुकदेवचोकस्थित अस्पतालमा उपचारका क्रममा उनीहरुको मृत्यु भएको हो। जिपका चालक चन्द्रपुर नगरपालिका–४ का २७ वर्षका महम्मद सहुल मियाँलाई प्रहरीले नियन्त्रणमा लिएको छ।