अग्नि इन्कर्पोरेटेडसँग एपिएफ क्लबको प्रायोजन नविकरण

काठमाडौं-अग्नि इन्कर्पोरेटेड प्रालीले विभागिय टोली नेपाल एपिएफ क्लबसँगको प्रायोजनलाई नविकरण गरेको छ । अग्नि इन्कर्पोरेटेड प्रालीले एपिएफ क्लबलाई प्रत्येक वर्ष ४० लाख रुपैयाँका दरले ५ वर्षका लागि २ करोड दिने गरि आइतबार नविरकणमा गरेको हो ।

सम्झौतामा एपिएफका खेल विभाग प्रमुख रामशरण श्रेष्ठ र महिन्द्राका कार्यकारी प्रमुख अर्जुन प्रसाद शर्माले हस्ताक्षर गरेका हुन् । महिन्द्राका प्रवन्ध निर्देशक क्याविनेट श्रेष्ठले सशस्त्र प्रहरी महानिरिक्षक शैलेन्द्र खनाललाई २ करोडको चेक हस्तान्तरण गरे । 

यसअघि महिन्द्राले पुरुष फुटबल टोलीलाई २०७१ सालबाट मात्रै प्रायोजन गरेको थियो । यसपटकदेखि पुरुष फुटबल टोलीसँगै महिला फुटबल टोली र पुरुष क्रिकेट टोलीलाई प्रायोजन गरेको छ । 

यसअघि महिन्द्राले पु्रुष फुटबल टोलीलाई वार्षिक २२ लाख २० हजारका दरले पाँच वर्षका लागि १ करोड ११ लाख प्रायोजन गरेको थियो ।