पुस १८ गतेका लागि कर्णाली प्रदेश सभाको बैठक आह्वान

कर्णाली प्रदेश सभाको दोस्रो कार्यकालको प्रथम अधिवेशन पुस १८ गते सोमबारका लागि आह्वान भएको छ।

नेपाल समय | शुक्रबार, पुस १५, २०७९

नेपाल समय

शुक्रबार, पुस १५, २०७९

पुस १८ गतेका लागि कर्णाली प्रदेश सभाको बैठक आह्वान

कालीकोट- कर्णाली प्रदेश सभाको दोस्रो कार्यकालको प्रथम अधिवेशन पुस १८ गते सोमबारका लागि आह्वान भएको छ।

मुख्यमन्त्री जीवनबहादुर शाहीको अध्यक्षतामा बसेको मन्त्रिपरिषद् बैठकको सिफारिसमा प्रदेश प्रमुख तिलक परियारले अधिवेशन आह्वान गरेका हुन्। प्रदेश प्रमुखको कार्यालयले प्रेस विज्ञप्ति जारी गर्दै पुस १८ गते सोमवार दिउँसो १ बजे बस्ने गरी अधिवेशन आह्वान गरेका हुन्। बैठकको अध्यक्षता ज्येष्ठ सदस्य विनोदकुमार शाहले गर्ने छन्।

गएको सोमबार कर्णाली प्रदेशका नवनिर्वाचित सांसदहरूले पद तथा गोपनीयताको शपथ लिएका थिए। यसअघि ज्येष्ठ सदस्य शाहलाई प्रदेश प्रमुख तिलक परियारले शपथ ग्रहण गराएका थिए।

कर्णालीमा प्रत्यक्षमा २४ र समानुपातिकतर्फ १६ गरी ४० जना सांसद छन्। जसमा नेपाली कांग्रेसका १४, नेकपा (माओवादी केन्द्र) का १३, नेकपा एमालेका १०, नेकपा (एकीकृत समाजवादी) र राष्ट्रिय प्रजातन्त्र पार्टी (राप्रपा) का एक/एक तथा एक जना स्वतन्त्र सांसद रहेका छन्।

प्रकाशित: Dec 30, 2022| 08:48. 56 शुक्रबार, पुस १५, २०७९