लुम्बिनीलाई सुदूरपश्चिमको १३८ रनको लक्ष्य

काठमाडौं– त्रिवि क्रिकेट मैदानमा जारी पहिलो संस्करणको नेपाल टी२० लिग क्रिकेट प्रतियोगितामा आफ्नो तेस्रो खेलमा फारवेस्ट युनाइटेडले लुम्बिनी अल स्टारलाई १३८ रनको लक्ष्य दिएको छ।

टस हारेर पहिले ब्याटिङ गरेको फारवेस्टले निर्धारित २० ओभरमा ६ विकेट गुमाएर १३७ रन बनायो। उसका लागि देव खनालले सर्वाधिक ४८ रन बनाए। कप्तान हसमतुल्लाह शाहिदी ३२ रन, बिक्रम शोब १५, करण केसी १२, बिनोद भण्डारी र हसिम अन्सारीले समान ११–११ रन बनाए । 

लुम्बिनीका लागि शेडलीले २ विकेट लिँदा किशोर महतो, सागर ढकाल र हरमिता सिंहले समान १–१ विकेट लिए। लुम्बिनीको प्लेइङ ११ मा दीपेन्द्रसिंह ऐरी, अनिल कुमार शाह, गुलशन झा, सागर ढकाल, किशोर महतो, सुनिल धमला, शड्ली भान सेक्किक, विपुल शर्मा र हरम्रीत सिंह छन्। लुम्बिनी जारी लिगमा अपराजित रहँदै तालिकाको शिर्ष स्थानमा रहेको छ। फारवेस्टले दुई खेल खेल्दा एक जित तथा एक हार व्यहोरेको छ। 

फारवेस्ट युनाइटेडको प्लेइङ ११ मा करण केसी, विनोद भण्डारी, भीम सार्की, देव खनाल, राशिद खान, भुवन कार्की, हरिशंकर शाह, शेर मल्ल, हासिम अन्सारी, हशमतुल्लाह शाहिदी र उमेर अली खान छन्।