धनुषामा रेलले यात्रु किच्यो, घटनास्थलमै मृत्यु

काठमाडौं– धनुषामा रेलले किचेर बुधबार एक यात्रुको मृत्यु भएको छ। विदेह नगरपालिकास्थित वैदेही स्टेसनमा रेलले किचिएर उनको मृत्यु भएको हो।

रेल भारतको जयनगरबाट जनकपुरधामतर्फ आउँदै थियो। वैदेही स्टेसनबाट रेलमा चढ्न लाग्दा खुट्टा अड्किएपछि किचिएर यात्रुको मृत्यु भएको धनुषाका प्रहरी नायब उपरीक्षक प्रदीप क्षेत्रीले जानकारी दिए। उनका अनुसार मृतकको पहिचान खुल्न बाँकी छ।

गुडिसकेको रेलमा जबरजस्ती चढ्न लाग्दा खुट्टा फसेर ती व्यक्ति रेल्वे लिकमा खसेका थिए। लिकमा खसेका व्यक्तिको सोही रेलले किचेर मृत्यु भएको हो।