नेदरल्यान्डका युवा फर्वार्ड ग्याक्पो लिभरपुलमा अनुबन्ध

काठमाडौं– कतार विश्वकपमा उत्कृष्ट प्रदर्शन गरेका डच टिमका युवा फर्वार्ड कोडी ग्याक्पो इंग्लिस क्लब  लिभरपुलमा अनुबन्ध भएका छन्। घरेलु क्लब पिएसभीमा व्यावसायिक फुटबल खेल्दै आएका ग्याक्पोले ६ वर्षका लागि सम्झौता गरेको अन्तराष्ट्रिय ट्रान्सफर मार्केटका पत्रकार फाब्रजियो रोमानियोले जनाएका छन्। 

उनलाई लिभरपुलले ३७ मिलियन युरो मा क्लब भित्र्याएको हो। २३ वर्षीय ग्याक्पोले कतार विश्वकपमा नेदरल्यान्डका लागि पाँच खेलमा तीन गोल गरेका थिए। उनलाई म्यानचेस्टर युनाइटेडले मुख्य चासोका साथ भित्र्याउन इच्छा जनाउँदै आएको थियो। तर अन्तिम समय ग्याक्पो लिभरपुलमा आबद्ध भएका हुन्।