टी२० लिगमा जनकपुरको विजयी सुरुवात

काठमाडौं– पहिलो संस्करणको फ्रेन्चाइज क्रिकेट प्रतियोगिता नेपाल टी२० लिग अन्तर्गत दोस्रो दिनको दोस्रो खेलमा जनकपुर रोयल ५ विकेटले विजयी भएको छ। आइतबार त्रिवि क्रिकेट मैदानमा भएको खेलमा पोखरा एभेन्जर्सले दिएको १३८ रनको लक्ष्य जनकपुरले १७।४ ओभरमा ५ विकेट गुमाएर पूरा गरेको हो।

जनकपुरको जितमा सन्दीप जोराले सर्वाधिक ३९ रन बनाए। यस्तै सागर पुनले ३८ रन, चाडविक वाल्टनले १९ र राजेश पुलामी मगर ९ रन बनाएर आउट भए। 

यता पोखराका लागि जाहिर खानले ३ विकेट लिए। शरद भेषावकर र मौसम ढकालले एक एक विकेट लिए। यसअघि टस हारेर पहिले ब्याटिङ गरेको पोखराले १९.४ ओभरमा सबै विकेट गुमाएर १३८ रन बनाएपछि जनकपुरले १३९ रनको लक्ष्य पाएको थियो। 

पोखराका लागि आशिफ शेखले ५० रनको अर्धशतकीय इनिङ पूरा गरे। उनले ३९ बलमा ४ चौका र २ छक्काको सहयोगमा ५० रन बनाएर आउट भए। यस्तै सिद्धान्त लोहनी २८ रन, अमिर हमाजले १८ रन र प्रतिस जिसीले २८ रनको आक्रमक पारी खेले । उनले १८ बलमा ४ चौकासहित २८ रनमा आउट भए । 

जनकपुरको लागि केसरिक विलियम्सले सर्वाधिक ३ विकेट लिए । यो जितसँगै जनकपुरले विजयी सुरुवात गरेको छ भने पोखराले लगातार दोस्रो हार ब्यहोरेको छ। यसअघि आफ्नो पहिलो खेलमा शनिबार काठमाडौंसँग पोखरा २६ रनले पराजित भएको थियो।