कर्णाली कांग्रेस संसदीय दलको नेतामा शाही

काठमाडौं– नेपाली कांग्रेस कर्णाली प्रदेश संसदीय दलको नेतामा जीवनबहादुर शाही सर्वसम्मत चयन भएका छन्। कर्णाली प्रदेशमा निर्वाचित प्रदेशसभा सदस्यहरुको शुक्रबार बसेको बैठकले शाहीलाई दलको नेतामा सर्वसम्मत चयन गरेको हो।

दलको नेतामा दाबी गरिरहेका राजीवविक्रम शाहको प्रस्ताव र जानकी सिंहको समर्थनमा उनी सर्वसम्मत दलको नेता चयन भएका हुन्। उनी अहिले कर्णाली प्रदेशको मुख्यमन्त्री छन्। शाही हुम्ला प्रदेशसभा ख बाट निर्वाचित भएका हुन्।