प्रचण्डलाई देउवा नेतृत्वको सरकार बनाउन सघाउन प्रकाशमानको आग्रह

काठमाडौं- नेपाली कांग्रेसका नेता प्रकाशमान सिंहले नेकपा माओवादी केन्द्रका अध्यक्ष पुष्पकमल दाहाल प्रचण्डलाई भेटेर पार्टी सभापति शेरबहादुर देउवाको नेतृत्वमा नयाँ सरकार गठनका लागि सघाउन आग्रह गरेका छन्।

शुक्रबार बिहान प्रचण्ड निवास खुमलटार पुगेर नेता सिंहले देउवाको नेतृत्वमा नयाँ सरकार गठनका लागि सघाउन आग्रह गरेका हुन्। जवाफमा प्रचण्डले नयाँ सरकारको आफूले नेतृत्व पाउनु पर्ने अडान राखेका थिए।  सिंहका प्रेस संयोजक युपी लामिछानेले माओवादी अध्यक्ष प्रचण्डसँगको भेटवारे जानकारी दिएका छन्।

नेता सिंह माओवादी अध्यक्ष प्रचण्डसँगको छलफलपछि प्रधानमन्त्रीको सरकारी निवास बालुवाटार पुगेका थिए। बालुवाटारमा उनले प्रधानमन्त्री देउवालाई प्रचण्डसँग भएको छलफलबारे ‘ब्रिफिङ’ गरेकोका थिए।