भलिबल च्याम्पियनसिप : नेपाल बंगलादेशसँग पराजित

काठमाडौं- नेपाली यु-२३ भलिबल टोली बंगलादेशको राजधानी ढाकामा भएको साभा भलिबल च्याम्पियनसिपको पहिलो खेलमा पराजित भएको छ। 

नेपाल पहिलो खेलमा आयोजक टिम बंगलादेशसँग सोझो सेटमा पराजित भएको हो। पहिलो सेट २६-२४ ले गुमाएको नेपाली टोलीले दोस्रो सेट २५-२२ ले गुमाएको हो। 

नेपालले अन्तिम सेट २५-२१ ले गुमायो। बिहीबारदेखि सुरु भएको  च्याम्पियनसिप ११ पुससम्म चल्नेछ। च्याम्पियनसिपमा आयोजक बंगलादेशसँगै नेपाल, श्रीलंका र किर्गिस्तान गरी चार टोलीको सहभागिता रहेको छ। 

नेपालले च्याम्पियनसिपको दोस्रो खेलमा पुष ८ गते श्रीलंकासँग खेल्छ र पुष ९ गते हुने लिग चरणको अन्तिम खेलमा किर्गिस्तानसँग खेल्नेछ।