युरोपा लिग : सेभिल्लाको सानदार जित

एजेन्सी-बिहीबार राति भएको यूईएफए युरोपा लिग अन्तर्गत स्पेनिस टोली सेभिल्लाले बेल्जियन क्लब स्टान्डर्ड लिएजमाथि सानदार जित निकालेको छ । सेभिल्लाले स्टानडर्ड लिएजलाई ५-१ ले पराजित गर्दै सानदार जित निकालेको हो ।

सेभिल्लाले स्टानडर्ड लिएजविरुद्ध खेलको आठौँ मिनेटमा अग्रता लिएको थियो । सेभिल्लाले एभर बनेगाको गोलमा अग्रता लिएको थियो । तर, ३९ औं मिनेटमा मौस जेनेपोले गोल गर्दै खेल बराबरीमा ल्याए । 

त्यसको  २ मिनेटमै फ्रान्को भाज्केजले गोल गर्दै खेलमा सेभिल्लालाई अग्रता दिलाए । पहिलो हाफमा अन्य अवसर सिर्जना गरेपनि सेभिल्लाको प्रयासमा विपक्षी गोलरक्षकले राम्रो प्रदर्शन गर्दै बचाउ गरे ।

दोस्रो हाफमा विसाम बेन एडरले सेभिल्लाक लागि थप गोल गरे । उनले ४९ औं र ७० औं मिनेटमा गोल गर्दै टोलीको अग्रता फराकिलो पारे । कप्तान एभर बनेगाले ७४ औं मिनेटमा गोल गर्दै खेल आफ्नो पक्षमा पारे ।

यस जितसँगै सेभिल्ला यस समूहको शीर्ष स्थानमा पुग्यो । अर्को खेलमा क्राजोन्डारका भिक्टर क्लासेनले २६ औं मिनेटमा गोल गर्दै टोलीको जित पक्का गरे ।
समूह ‘जे’ अन्तर्गत अर्को खेलमा एफसी क्राजोन्डारले अखिसार्स्पोरलाई १-० ले पराजित गर्यो ।