के रामचन्द्रको चाहना राष्ट्रपति हो?

काठमाडौं- नेपाली कांग्रेसका वरिष्ठ नेता रामचन्द्र पौडेलको नाम आगामी कार्यकालका लागि सम्भावित राष्ट्रपतिका रूपमा चर्चामा छ। यस विषयमा नेता पौडेलले पनि अहिलेसम्म कुनै आधिकारिक धारणा सार्वजनिक गरेका छैनन्।

तर, आज उनलाई शपथका लागि संसद् भवन पुग्दा पत्रकारले तपाईको शीतल निवासमा बस्ने चर्चा छ नी, भन्ने प्रश्नको उत्तरमा नेता पौडेलले आफू संसदमा धेरै केन्द्रित हुने बताएका छन्।

'म अब संसदमा धेरै केन्द्रित हुन्छु। शक्ति बाँडफाँडको विषय टुंग्याउन बाकी नै छ। यस विषयमा धेरै बोल्नु उपयुक्त हुँदैन,' उनले भने। राष्ट्रपति बन्ने हो भने सांसद पद रिक्त हुन्छ।