माया राईले अस्पतालबाट मतदान गरेसँगै सकियो कांग्रेस संसदीय दलको निर्वाचन

काठमाडौं- नेपाली कांग्रेस संसदीय दलको निर्वाचन सकिएको छ। सिंहदरबारस्थित कांग्रेस संसदीय दलको कार्यालयमा आज बिहान ८ भन्दा केही ढिलोगरि सुरु भएको मतदान सकिएको हो।

कांग्रेसका ८९ सांसदले गरे मतदान गरेसँगै निर्वाचन सकिएको निर्वाचन समितिले जनाएको छ। सांसद माया राई सुत्केरी भएर ओम अस्पतालमा रहेका कारण प्रतिनिधिहरू उनको मतदानका लागि अस्पताल पुगेका थिए। माया राईले अस्पतालबाट मतदान गरेपछि निर्वाचन सकिएको हो।

कांग्रेस संसदीय दलको नेताका लागि सभापति शेरबहादुर देउवा र महामन्त्री गगन थापाको उमदवारी परेको छ।