ट्विटर प्रमुखबाट राजीनामा दिने इलोन मस्कको घोषणा

काठमाडौं- इलोन मस्कले ट्विटरको कार्यकारी प्रमुखको पदबाट राजीनामा दिने घोषणा गरेका छन्। उनले ट्वीटरमा सार्वजनिक रुपमा आफू पदमा रहन योग्य हो या होइन भनी सर्वेक्षण गरेका थिए।  

त्यसमा सहभागी ५७.५ प्रतिशत प्रयोगकर्ताले उनलाई पद छाड्न भनेर मत दिएका थिए। ट्वीटर प्रयोगकर्ताको सो सुझावअनुसार उनले पदबाट राजिनामा दिएका हुन्। 

तीन दिनअघिको उक्त ट्विटर सर्वेक्षणमा १ करोड ७० लाख प्रयोगकर्ताले सहभागिता जनाएका थिए। उनले उत्तराधिकारी भेटेपछि पनि आफूले सफ्टवेअर र सर्भरको टोलीलाई सञ्चालन गर्ने बताएका थिए।

मस्कले ट्विटर किनेपछि सामाजिक सञ्जालमा भएका परिवर्तनहरूका बारेमा प्रयोगकर्ताले आलोचना गर्दैआएका थिए। मस्कले टेस्ला र स्पेसएक्स समेत सञ्चालन गर्छन्।