फिफा वरियतामा नेपालको सुधार

काठमाडौं-फिफाले बिहीबार सार्वजनिक गरेको वरियतामा नेपालले सुधार गरेको छ । पछिल्लो सार्वजनिक गरेको फिफा वरियामा नेपालले एक स्थान सुधार गरेका हो ।

अघिल्लो महिना १ सय ६१ औं स्थानमा रहेको नेपाल सेप्टेम्बर महिनाको वरियतामा १ सय ६० औं स्थानमा पुगेको हो । दक्षिण एसियाली राष्ट्रमध्यमा नेपाल भारत र माल्दिभ्सपछाडी तेस्रो स्थानमा छ । 

भारत एक स्थान तल झर्दै ९७ औं स्थानमा छ । भारतलाई फाइनलमा हराउँदै साफ उपाधि जितेको माल्दिभ्स पनि एक स्थान झर्दै १ सय ५१ औं स्थानमा छ । भुटान १ सय ८८ औं, बंगलादेश १ सय ९३ औं तथा श्रीलंका र पाकिस्तान समान १ सय ९९ औं स्थानमा छन् ।

एसियाली राष्ट्रहरुमध्य इरान सबैभन्दा माथि ३३ औं तथा अस्ट्रेलिया ४३ औं स्थानमा छ । वरियताको शीर्ष स्थानमा फ्रान्स र बेल्जियम संयुक्त रुपमा रहेका छन् । तेस्रोमा ब्राजिल तथा चौथोमा क्रोएसिया छन् ।