विष्णु पौडेलको प्रस्ताव र सुवास नेम्वाङको समर्थनमा ओली बने संसदीय दलको नेता

काठमाडौं– नेकपा एमाले संसदीय दलको नेतामा पार्टी अध्यक्ष केपी शर्मा ओली सर्वसम्मत् चयन भएका छन्। उपाध्यक्ष विष्णु पौडेलको प्रस्ताव र सुवास नेम्वाङको समर्थनमा ओली दलको नेतामा निर्विरोध चयन भएका हुन्।

संसदीय दलको बैठक आज कमलादीस्थित प्रज्ञा भवनमा बसेको थियो। बैठकले एमालेलाई लोकप्रिय मतमा पहिलो दल बनाएकोमा मतदातालाई धन्यवाद दिएको छ। बैठकले बाजुरामा अनेरास्ववियुका नेता चेतन ऐडीको हत्यामा संलग्न दोषीमाथि कारवाहीको माग पनि गरेको छ।