नेपाल प्रहरीका २३ जना एसपीको सरुवा, आठ जिल्लाका प्रमुख फेरिए

काठमाडौं– नेपाल प्रहरीका २३ जना प्रहरी उपरीक्षकको सरुवा भएको छ। प्रहरी प्रधान कार्यालयले जारी गरेको सूचीअनुसार ८ वटा जिल्लामा प्रमुख फेरिएका छन्। 

सूचीअनुसार प्रहरी उपरीक्षक दुर्गाराज रेग्मीलाई जिल्ला प्रहरी कार्यालय झापामा सरुवा गरिएको छ। पर्सामा कोमल शाह, धनुषामा विश्वराज खड्का, सर्लाहीमा नरेशराज सुवेदी, सिन्धुलीमा राजकुमार सिलवाल र बाँकेमा सन्तोष सिंह राठौरलाई काज सरुवा गरिएको छ। कैलाली जिल्ला इन्चार्जमा देवेन्द्रबहादुर पाल र सुर्खेतमा योगेन्द्रसिंह थापालाई काज सरुवा गरिएको छ।

ट्राफिक व्यवस्थापन कार्यालय बारामा सन्तोषकुमार भट्टराई, नेपाल प्रहरी विशेष कार्यदलमा सुधिरराज शाही र सोमेन्द्रसिंह राठौरलाई काठमाडौं उपत्यका अपराध अनुसन्धान कार्यालयमा सरुवा गरिएको छ। राठौर कैलाली जिल्लाबाट सरुवा भएका हुन्।

हेर्नुस् पूरा सूची