मेस्सीले तत्काल संन्यास नलिने

काठमाडौं– विश्वकप विजेता बनेका अर्जेन्टिनाका टिम लिडर लियोनेल मेस्सी तत्काल संन्यास नलिने पक्षमा देखिएका छन्। कतार विश्वकपको फाइनल खेललाई आफ्नो अन्तिम खेल हुने बताएका मेस्सीले अहिले नै संन्यास नलिने घोषणा गरेका हुन्। 

खेलपपछि मिडियासँग कुरा गर्दै मेस्सीले भने, ‘म अहिले नै संन्यास लिने पक्षमा छैन। म विश्व विजेताका रुपमा अर्जेन्टिनाबाट अझै केही खेल खेल्न चाहन्छु। अहिले कुनै पनि निर्णय लिने उचित समय छैन। हामी अहिले विजय मनाउनेछौं। त्यसपछि के गर्ने भन्ने कुराको टुंगो लाग्नेछ।’