कतारी आमिरले पहिराए अर्जेन्टिनालाई विश्वकपको ताज

काठमाडौं- आइतबार राती लुसेल स्टेडियममा भएको फाइनल खेलमा फ्रान्सलाई पेनाल्टी सुटआउटमा ४-२ ले पराजित गरेको अर्जेन्टिनालाई कतारका अमिर शेख तमिम बिन हमाद अल थानीले फिफा विश्वकप कतार २०२२ को विजेताको ताज पहिराएका छन्। अमिर तथा  फिफाका अध्यक्ष जियानी इन्फान्टिनोले अर्जेन्टिनाको राष्ट्रिय टोलीका खेलाडीलाई स्वर्ण पदक हस्तान्तरण गरेका हुन्।

पदक हस्तान्तरण कार्यक्रममा फ्रान्सेली गणतन्त्रका अध्यक्ष इमानुएल म्याक्रोन र फिफाका अध्यक्ष इन्फान्टिनोले च्याम्पियनशिपको उपविजेता फ्रान्सेली राष्ट्रिय टोलीका खेलाडीहरूलाई रजत पदक हस्तान्तरण गरेका थिए।

हिज हाईनेसले अर्जेन्टिनाका कप्तान लियोनल मेस्सीलाई विश्वकप उत्कृष्ट खेलाडीको अवार्ड हस्तान्तरण गरेका थिए।

विश्वकप समापन समारोहमा विभिन्न देशका प्रमुख तथा प्रतिनिधिहरू, भगिनी तथा मैत्रीपूर्ण राष्ट्रहरूका राष्ट्राध्यक्ष तथा प्रतिनिधिमण्डलका प्रमुखहरू, महामहिम शेखहरू, मन्त्रीहरू, ओलम्पिक कमिटी तथा महासंघका प्रमुखहरू, राज्यबाट मान्यता प्राप्त कूटनीतिक नियोगका प्रमुखहरूको उपस्थिति थियो।