देशका विभिन्न भूभागमा वर्षा र हिमपातको सम्भावना

काठमाडौं- देशका विभिन्न भूभागमा आज वर्षा र हिमपात हुने भएको छ। विहारमा रहेको न्यून चापीय प्रणालीको सामान्य प्रभाव नेपालमा रहेका कारण हिमपात र वर्षाको सम्भावना रहेको हो। 

पहाडी भूभागमा आज बिहान आंशिकदेखि सामान्य बदली  रहेको छ। तराईका थोरै स्थानमा हुस्सु र कुहिरो रहेको छ।

आज दिउँसो प्रदेश-१, वाग्मती प्रदेश, गण्डकी प्रदेश र लुम्बिनी प्रदेशमा आंशिकदेखि सामान्य बदली रहने जल तथ मौसम विज्ञान विभागले जनाएको छ। बाँकी भूभागमा मौसम सामान्यतया सफा रहने जल तथा मैसम विज्ञान विभागले जनाएको छ। 

प्रदेश-१, वाग्मती प्रदेश र गण्डकी प्रदेशको पहाडी भूभागको एकदुई स्थानमा हल्का वर्षाको सम्भावना रहेको छ। प्रदेश-१, वाग्मती प्रदेश र गण्डकी प्रदेशको उच्च पहाडी भूभागको एकदुई स्थानमा हल्का हिमपातको सम्भावना रहेको छ।

आज राति प्रदेश-१ लगायत वाग्मती प्रदेश, गण्डकी प्रदेश र लुम्बिनी प्रदेशका पहाडी भूभागमा आंशिकदेखि सामान्य बदली रहनेछ। बाँकी भूभागमा मौसम सामान्यतया सफा रहने छ। प्रदेश-१, वाग्मती प्रदेश र गण्डकी प्रदेशको उच्च पहाडी तथा हिमाली भूभागका एक/दुई स्थानमा हल्का हिमपातको सम्भावना छ।

केही स्थानमा हल्का वर्षा र हिमपातको सम्भावना तथा तराईका केही भूभागमा बिहानीपख हुस्सु र कुहिरो लाग्ने भएकाले देशका अधिकांश भूभागमा तापक्रम क्रमिक रूपमा घट्दै गएकाले चिसोबाट जोगिन आवश्यक सावधानी अपनाउन विभागले आग्रह गरेको छ।