सडक भासिँदा पृथ्वीराजमार्ग अवरुद्ध

तनहुँ- पृथ्वीराजमार्ग अन्तर्गत मुग्लिङ–पोखरा सडकखण्ड निर्माणको क्रममा आँबुखैरेनी गाउँपालिका-२ स्थित खानिखोला पुल नजिकैको सडक भासिँदा राजमार्ग अवरुद्ध भएको  ।

आइतबार बिहान करिब १० बजेदेखि सडक अवरुद्ध भएको हो। राजमार्ग चौडा पार्ने क्रममा सडक भासिँदा पुलमा पनि असर पुगेको छ। 

साना सवारी साधनलाई वैकल्पिक बाटोबाट गन्तव्यमा पुग्न मद्दत गरिएको जिल्ला प्रहरी नायब उपरीक्षक युवराज खड्काले बताए। माटो हालेर सडक पुर्ने काम भइरहेको र यातायात सञ्चालन गर्न अझैँ केही समय लाग्ने प्रहरीले जनाएको छ। सडक अवरुद्ध हुँदा गन्तव्यमा हिँडेका सयौं सवारी साधान सडकमा अलपत्र परेका छन्।