अब नेस्नल लिग खेलेर मात्रै सन्यास लिनेछु : मोड्रिच

काठमाडौं- कतारमा जारी फिफा विश्वकपअन्तर्गत तेस्रो स्थानका लागि भएको प्रतियोगिता क्रोएसियाले मोरक्कोलाई पराजित गर्दै तेस्रो स्थान सुरक्षित गर्‍यो। यो खेल क्रोएसियन टिमका कप्तान लुका मोड्रिचको अन्तिम विश्वकप खेल थियो। 

वालोन डी ओर विजेता सुपरस्टार मोड्रिच टिमका लागी विश्वकपको अन्तिम खेल खेल्दै गर्दा उक्त खेल विश्वकपको मात्रै अन्तिम भएको र अझैँ क्रोएसियन टिमबाट खेल्ने बताएका छन्।

खेल पश्चात मिडियासँग कुरा गर्दै मोड्रिचले भने, ‘मैले आज टिमका लागी विश्वकपको अन्तिम खेल खेले। म खुशी छु मैले टिमका लागी सक्नेभन्दा धेरै राम्रो गरेको छु। टिममा एकता छ, हामी सबै एक परिवार झै बनेर टिममा बसेका छौं। मैले यसअघिनै भनिसकेको छु, यो मेरो अन्तिम विश्वकप हो भनेर। तर, यो मेरो क्रोएसियन टिमका लागी  अन्तिम खेल भने होइन। म अब नेस्नल लिग खेल्नेछु त्यसपछी मात्रै म मेरो करियरको बारेमा सोच्नेछु।’