विश्वको १३औं प्रदूषित सहरमा काठमाडौं

आज काठमाडौं विश्वको १३औं प्रदूषित सहर बनेको छ। वायु प्रदूषणको मात्रा बढ्दै गएपछि काठमाडौं प्रदूषित सहरको १३औं स्थानमा पुगेको हो।

नेपाल समय | शनिबार, पुस २, २०७९

नेपाल समय

शनिबार, पुस २, २०७९

काठमाडौं- आज काठमाडौं विश्वको १३औं प्रदूषित सहर बनेको छ। वायु प्रदूषणको मात्रा बढ्दै गएपछि काठमाडौं प्रदूषित सहरको १३औं स्थानमा पुगेको हो।

आज बिहान काठमाडौं उपत्यकाको हावाको प्रदूषण सूचकाङ्क एक्यूआई १ सय ६० रहेको छ। बिहान सबैभन्दा धेरै भक्तपुरको सूर्यविनायकमा एक्यूआई १ सय ६० पुगेको छ।

यस्तै, भक्तपुरका तीन वटा स्टेसनको एक्यूआई १ सय ५० भन्दामाथि रहेको छ। एक्यूआई शून्यदेखि ५० सम्मलाई सामान्य रुपमा लिने गरिन्छ। त्यसभन्दा माथि अस्वस्थ मानिन्छ।

प्रदूषित सहरको पहिलो नम्बरमा पाकिस्तानको लाहोर, दोस्रोमा बङ्लादेशको ढाका, तेस्रोमा पाकिस्तानकै कराँची, चौथो र पाँचौँमा भारतको नयाँ दिल्ली र कोलकाता रहेका छन्।

प्रकाशित: Dec 17, 2022| 08:07 शनिबार, पुस २, २०७९