यू–१४ टेनिसमा स्वस्तिका र शिभालीको जोडी च्याम्पियन

काठमाडौं – नेपालमा आज सम्पन्न भएको २० औं जयकर स्मृति एटीएफ यु–१४ टेनिस प्रतियोगिताअन्तर्गत नेपालकै खेलाडीले महिला डबल्सतर्फको उपाधि जितेका छन्। नेपालका  स्वस्तिका विष्ट र शिभाली गुरुङको जोडी सर्किट– १ को गल्र्स डबल्समा शुक्रबार च्याम्पियन बनेका हुन्।

सातदोबाटोस्थित टेनिस कोर्टमा भएको फाइनलमा स्वस्तिका र शिभालीको जोडीले नेपालका प्रशंसा मोक्तान र आद्या पौडेलको जोडीलाई ६–४ र ६–२ को सोझो सेटमा पराजित गरे।

मन जयकर टेनिस एकेडेमीद्वारा आयोजित प्रतियोगिताको ब्वाइज सिंगल्समा भारतका भिभान मिर्धा पहिलो भएका छन्। फाइनलमा भिभानले नेपालका आयुशमान हजुर घलेलाई ५–७, ७–६ ९३० र ६–२ को सेटमा हराए।

ब्वाइज डबल्समा पाकिस्तानका जोहेब अफ्जल मलिक र यमनका हमुद इयाडको जोडीले हङकङका छुइन हेइ करिसन फुङ र छियोङ मोरिस ताङको जोडीलाई ६–० र ६–४ तथा भारतका सिद्धार्थ जिबु र भारतका भिभान मिर्धाको जोडीले नेपालका बोरिस अधिकारी र निशाद जोशीको जोडीलाई ६–४ र ६–२ को सोझो सेटमा पाखा लगाउदै फाइनलमा स्थान सुरक्षित गरे।

ब्वाइज डबल्सको फाइनल शनिबार हुनेछ। शनिबारै गल्र्स सिंगल्सको फाइनल पनि हुने आयोजकले जनाएको छ। गल्र्स सिंगल्सको उपाधिका लागि नेपालका शिभाली गुरुङ र नेपालका आद्या पौडेल भिड्ने छन्।