पोखरामा जीप दुर्घटना हुँदा एक जनाको मृत्यु

पोखरा- पोखरामा जीप दुर्घटना हुँदा एक जनाको मृत्यु भएको छ। पोखरा २५ हेमजामा पर्वतबाट सुन्तला बोकेर आउँदै गरेको ग२च २६८४ नम्बरको बोलेरो जीप अनियन्त्रित भई दुर्घटना भएको हो। दुर्घटनामा तनहुँकी ३७ वर्षीय बसन्ती मगरको मृत्यु भएको कास्की प्रहरीले जनाएको छ। 

दुर्घटनामा गम्भीर घाइते भएकी उनलाई उपचारका लागि पश्चिमान्चल क्षेत्रीय अस्पताल लगिएको थियो। उपचारकै क्रममा उनको मृत्यु भएको कास्कीका प्रहरी निरीक्षक ज्ञानबहादुर खड्काले जानकारी दिए। दुर्घटनामा अर्का एकजना घाइते भएका छन्। 

म्याग्दीको मंगला १ घर भइ पोखरा बस्दै आएका गजेन्द्र पुन घाइते भएर गण्डकी मेडिकल कलेजमा उपचार गराइरहेका छन्। जीपका चालक फरार रहेको र खोजी भैरहेको प्रहरीले जानकारी दिएको छ।