मोरोक्कोविरुद्ध फ्रान्सले थप्यो अर्को गोल

काठमाडौं – दोस्रो हाफमा मैदान छिरेका फ्रान्सका युवा स्ट्राइकर रान्डल कोलो मुअनीले गोल गरेका छन्। पहिलो हाफमा एक गोलको अग्रता बनाएको फ्रान्सविरुद्ध मुअनीले खेलको दोस्रो हाफमा गोल गरे।

उनले खेलको ७९ औं मिनेटमा गोल गरेसँगै अहिले मोरोक्को दुई गोलले  पछि परेको छ। मुअनी मैदान प्रवेश गरेको ४४ सेकेन्डमै गोल गर्न सफल भएका हुन्।

यो उनको पहिलो अन्तर्राष्ट्रिय गोलसमेत हो। पहिलो टचमै गोल गरेका उनी ओउसमान डेम्बेलेको स्थानमा भर्खरै मात्र मैदान प्रवेश गरेका थिए। उनले छ यार्ड बाट गोल गरेका हुन्।

यससँगै फ्रान्स खेलको जितको नजिक पुगेको छ।