पहिलो हाफः बल पोसेसनमा मोरोक्को अगाडि, अट्याकमा फ्रान्स

काठमाडौं – कतारमा जारी फिफा विश्वकपको दोस्रो सेमीफाइनल खेलको पहिलो हाफ सकिएको छ। पहिलो हाफमा साविक विजेता फ्रान्सले एक गोलको अग्रता बनाएको छ।

फ्रान्सले अग्रता बनाए पनि खेलको ५५ प्रतिसत समय बलमा नियन्त्रण बनाउने टिम भने मोरोक्को बनेको छ। उसले फ्रान्सको पोस्टतर्फ एक प्रहार पनि गरेको छ।

यता  विपक्षीको पोस्टतर्फ ९ प्रहार गरेर दुई वटा सट अन टार्गेट बनाएको फ्रान्सले भने पहिलो हाफको पाँचौ मिनेटमै अग्रता बनाएको छ।

कतारको अल बायत रंगशालामा जारी खेलमा फ्रान्सका लागि थियो हर्नानडेजले पहिलो हाफको पाँचौ मिनेटमै गोल गरेका छन्।

युवा खेलाडी केलियन एम्बाप्पे र एन्टोइन ग्रिजमनले गरेको प्रहार पोस्टबाट फर्किएको थियो। फर्किएको बललाई पोस्टको दायाँ साइडबाट प्रहार गर्दै हर्नान्डेले पाँचौ मिनेटमै फ्रान्सलाई अग्रता दिलाएका थिए।

विश्वकपमा मोरोक्कोले बेहोरेको यो दोस्रो गोल हो। यसअघि उसले समूह चरणमा आत्मघाति गोल गरेको थियो। बाँकी चार खेलमा भने उसले क्लिन सिट राखेको थियो।

पहिलो हाफको अन्तिम मिनेटमा मोरोक्कोका खेलाडीले एक्रोब्याटिक प्रहार गरे पनि फ्रान्सका गोलकिपरले फिङ्गर टिप सेभ गरेका छन्। यससँगै मोरोक्को पहिलो हाफमा गोलबिहिन बनेको छ।