बाटिस्टुटाको रेकर्ड तोडे मेस्सीले

काठमाडौं– अर्जेन्टाइन कप्तान लियोनेल मेस्सी अर्जेन्टिनाका लागि विश्वकपमा सबैभन्दा धेरै गोल गर्ने खेलाडी बनेका छन्। कतारमा जारी फिफा विश्वकप अन्तर्गत सेमीफाइनलको खेलमा क्रोएसिया विरुद्ध एक गोल गर्दै मेस्सीले यो किर्तीमान आफ्नो नाममा ल्याएका छन्। 

उनले ग्याब्रियल बाटिटुस्टाको नाममा रहेको सर्वाधिक १० गोलको किर्तीमान ११ गोल गर्दै तोडेका हुन्। बाटिटुस्टाले अर्जेन्टिनाका लागि विश्वकपमा १२ खेलमा १० गोल गरेका थिए। मेस्सीले २५ खेल खेल्दै ११ गोल गरेका छन्। मेस्सीपछि गुइलमेरो स्टाबिले ४  खेलमा ८ तथा डिएगो म्याराडोनाले २१ खेल खेल्दै ८ गोल गरेका छन्। १७१ खेल खेल्दै मेस्सीले अर्जेन्टिनाका लागि ९६ गोल गर्दै अल टाइम टप स्कोररमा आफ्नो नाम लेखाइसकेका छन्।