आईसीसी लिग २ : नेपालले पहिले बलिङ गर्ने

काठमाडौं- नामिबियामा जारी आईसीसी विश्वकप लिग २ अन्तर्गत बुधबारको खेलमा नेपालले टस जितेर पहिले फिल्डिङ रोजेको छ। नामिबियामा स्कटल्यान्डविरुद्ध पहिले ब्याटिङ गरेर हार बेहोरेको नेपालले आज पहिले फिल्डिङ रोजेको हो।

यसअघि नेपाल र नामिबियाको खेलको समयमा वर्षा भएपछि खेल नै अवरुद्ध भएको थियो। त्यसपछि दुवै टिमले समान १–१ अंक बाँडे। नेपालले आज सिरिजमा आफ्नो तेस्रो खेल खेल्दैछ।

यता नामिबियाले भने सिरिजमा आफ्नो अन्तिम खेल खेल्न लागेको हो। नामिबियाले एक खेलमा जित निकालेको छ भने एक खेल नतिजाविहिन भएको छ। नेपालले भने अघिल्ला दुवै खेलमा जित निकाल्न सकेको छैन।

नेपाली टिममा भएका खेलाडीमध्ये आज करण केसी, हरिशंकर शाह र नन्दन यादवले आज खेल्ने छैनन्। तर अर्जुन साउँद, आरिफ शेख, ज्ञानेन्द्र मल्ल, आरिफ शेख, कुशल भुर्तेल, दिपेन्द्र सिंह ऐरी नेपाली टिममा रहेका छन्। उनीहरु ब्याटर र अलराउन्डर हुन्।

बलिङतर्फ नेपाली टिममा गुल्सन झा, सोमपाल कामी, ललित राजवंशी र सागर ढकाल रहने छन्। नेपाली टिमको कप्तान रोहित पौडेल रहेका छन्।