काठमाडौं–नेपाल बार एसोसिएसन र सर्वोच्च बार एसोसिएसनका पदाधिकारीले निलम्बित प्रधानन्यायाधीश चोलेन्द्रशमशेर जबरालाई सर्वोच्च अदालत आउन नदिन अदालत परिसरको मूल गेटमा धर्ना दिएका छन्। प्रधानन्यायाधीश चोलेन्द्रशमशेर जबरा सर्वोच्च अदालत फर्किने तयारी गरेसँगै बार र सर्वोच्च बार एसोसिएसनका पदाधिकारी धर्नामा बसेका हुन्।
बार अध्यक्ष गोपालकृष्ण घिमिरे, महासचिव अञ्जिता खनाल, सर्वोच्च बारका अध्यक्ष पूर्णमान शाक्य, बार पूर्व अध्यक्ष चण्डेश्वर श्रेष्ठलगायत पनि धर्नामा छन् ।
संघीय संसद्का महासचिव डा. भरतराज गौतमले बुधबार जबरालाई निलम्बन फुकुवाको पत्र दिएका थिए। गौतमको पत्र पाएसँगै जबराले सर्वोच्च फर्किने तयारी गरेपछि बारमा आबद्ध पदाधिकारी विरोधमा उत्रिएका हुन्।
