गोकुल बास्कोटाको घरमा फेला परेको शंकास्पद वस्तु सेनाद्वारा निष्क्रिय

काठमाडौं- नेकपा एमालेका नेता गोकुल बास्कोटाको घरमा भेटिएको शंकास्पद वस्तु नेपाली सेनाले निष्क्रिय पारेको छ।

भक्तपुरस्थित घरमा भेटिएको शंकास्पद वस्तु नेपाली सेनाको टोलील डिस्पोज गरेको हो। नेपाली सेनाको बम डिस्पोजल टोलीले त्यहाँ रहेको शंकास्पद वस्तु फरेन्सिकका लागि लगेको भक्तपुर प्रहरी परिसरले जनाएको छ।

शंकास्पद वस्तु फेला परेपछि त्यहाँ वरिपरि सुरक्षा व्यवस्था कडा बनाइएको थियो। अहिले अवस्था सामान्य भएको उनले जानकारी दिए।