मोरङ-१ मा कांग्रेसका लिम्बू विजयी

विराटनगर- मोरङ-१ बाट प्रतिनिधि सभा सदस्यमा नेपाली कांग्रेसका डिगबहादुर लिम्बू विजयी भएका छन्। एमालेका घनश्याम खतिवडालाई ४३० मतले पछि पार्दै लिम्बूले दोस्रो पटक जित हासिल गरेका हुन्।

मोरङ कांग्रेसका सभापतिसमेत रहेका लिम्बूले २७ हजार २९७ मत ल्याउँदा खतिवडाले २६ हजार ८६७ मत पाए। अघिल्लो निर्वाचनमा लिम्बू खतिवडासँग ६ हजार मतले पराजित भएका थिए। त्यसअघि लिम्बूले २०७० सालको संविधान सभा सदस्य निर्वाचनमा खतिवडालाई पराजित गरको थिए।

६ निर्वाचन क्षेत्र रहेको मोरङमा तीन वटामा कांग्रेस तथा एमाले, स्वतन्त्र र माओवादी केन्द्रले एक-एक सिट जितेका छन्। कांग्रेसबाट १ मा लिम्बु ३ मा सुनील शर्मा र ६ मा डा. शेखर कोइराला विजयी भए। एमालेबाट मोरङ-२ मा ऋषिकेश पोखरेल, ४ मा माओवादी केन्द्र अमनलाल मोदी र ५ मा स्वतन्त्र उम्मेदवार योगेन्द्र मण्डल विजयी भएका छन्।

२०७४ को निर्वाचनमा मोरङमा कांग्रेसले एक, एमालेले तीन, माओवादी केन्द्रले दुई क्षेत्रमा जितेको थियो।