प्रतिनिधि सभा समानुपातिकमा कुन दललाई कति मत?

काठमाडौं- प्रतिनिधिसभाको समानुपातिकमा नेकपा एमालेले ३ लाख मत पुर्‍याएको छ। एमालेले ३ लाख १५९८ मत ल्याएँदा कांग्रेसले २ लाख ८० हजार २७२ मत पाएको छ। राष्ट्रिय स्वतन्त्र पार्टीले १ लाख ५१ हजार ५९ मत ल्याएर तेस्रो स्थान बनाएको छ।

नेकपा माओवादी केन्द्रले १ लाख ३६ हजार ५९८ मत पाउँदा र राष्ट्रिय प्रजातन्त्र पार्टीले  ७९ हजार ९२८ मत ल्याएको छ। 

जनता समाजवादी पार्टीले २९ हजार १८६ मत पाएको छ।  जनमत पार्टीले २२ हजार ५५७ मत ल्याउँदा नागरिक उन्मुक्ति पार्टीले १४ हजार ४८० मत पाएको छ। नेकपा एसले १७ हजार २८२ मत पाएको छ। 

समानुपातिकमा सिट पाउनका लागि कम्तीमा ३ प्रतिशतको थ्रेसहोल्ड कटाउनुपर्ने हुन्छ। 

अहिलेसम्म कुल सदर भएको मतलाई आधार मान्दा पाँच दलले मात्रै तीन प्रतिशत मत कटाएका छन्। 

हालसम्मको ट्रेन्डअनुसार ३२ प्रतिशत मत एमालेले पाएको छ। कांग्रेसले करिब ३० प्रतिशत मत पाउँदा राष्ट्रिय स्वतन्त्र पार्टीको १५ र माओवादी केन्द्रको १४ प्रतिशत मत छ। राष्ट्रिय प्रजातन्त्र पार्टीले करिब ८ प्रतिशत मत पाएको देखिएको छ। हालसम्म ११ लाखभन्दा बढी मतगणना भएको छ।