प्रतिनिधिसभाको समानुपातिकतर्फ कुन दलको कति मत?

काठमाडौं- निर्वाचन आयोगले प्रतिनिधिसभाको समानुपातिकतर्फको मतको नयाँ अपडेट सार्वजनिक गरेको छ। नयाँ अपडेट अनुसार माओवादी केन्द्रले पनि समानुपातिक निर्वाचन प्रणालीतर्फ एक लाख मत कटाएको छ। 

प्रतिनिधिसभातर्फ अहिलेसम्म माओवादी केन्द्रले १ लाख ३६४ मत प्राप्त गरेको हो।

समानुपातिक मतमा एमाले सबैभन्दा अगाडि छ। दोस्रोमा कांग्रेस र तेस्रो स्थानमा राष्ट्रिय स्वतन्त्र पार्टी छ।

अहिलेसम्म नेपाल कम्युनिष्ट पार्टी एमालेको २ लाख ४१ हजार ५९४ मत छ। नेपाली कांग्रेसको २ लाख १८ हजार ७०७, राष्ट्रिय स्वतन्त्र पार्टीको १ लाख ११ हजार ३९४, राष्ट्रिय प्रजातन्त्र पार्टीको ५७ हजार २३६ मत छ।

यस्तै जनता समाजवादी पार्टी, नेपालले समानुपातिकमा १८ हजार ७४७ मत प्राप्त गरेको छ। जनमत पार्टीको १७ हजार ५६३ मत हुँदा नेपाल मजदुर किसान पार्टीले १६ हजार ४७७ मत ल्याएको छ। नेपाल कम्युनिष्ट पार्टी (एकीकृत समाजवादी)को १३ हजार २२४, नागरिक उन्मुक्ति पार्टीको ११ हजार ७३४ र अन्यको ५० हजार २ मत रहेको छ।