विश्वकपमा फ्रान्सको शानदार सुरुवात

काठमाडौं- उपाधि दाबेदार तथा साविक विजेता फ्रान्सले कतरमा जारी विश्वकपमा शानदार सुरुवात गरेको छ। मंगलबार राति अल जनोव रंगशालामा भएको खेलमा फ्रान्सले अष्ट्रेलियालाई ४-१ गोल अन्तरले पराजित गरेको हो। 

खेलको ९औं मिनेटमा क्रेग गोडविनको गोलमा अग्रतामा बनाएको अष्ट्रेलियाले त्यसलाई जोगाउन नसक्ता पराजय हुन पुग्यो। खेलको २७औं मिनेटमा थियोको असिस्टमा राबियोटले पहिलो तथा टिमका लागि दोस्रो गोल गरे। 

त्यसपछि ३२औं मिनेटमा रावियोटको असिस्टमा ओलिभर जिरुडले दोस्रो, ६८औं मिनेटमा केलियन एम्बाप्पेले तेस्रो र ७१औं मिनेटमा जिरुड व्यक्तिगत दोस्रो गोल गर्दै जीत सुनिश्चित गराए। 

समूह डी अनतर्गतकै अर्को खेलमा डेनमार्क र ट्युनिसियाले गोल रहित बराबरि खेल्दै अंक बाढेका छन्। योसँगै यस समूहका पहिलो चरणका खेल सम्पन्न हुदा फ्रान्स तीन अंकसहित तालिकाको शीर्ष स्थानमा रहेको छ। 

त्यस्तै डैनमार्क र ट्युनिसिया क्रमिक रुपमा दोस्रो र तेस्रो स्थानमा रहेका छन्। र, पराजित भएको अष्ट्रेलिया अंकविहिन हुँदै पुच्छारमा रहेको छ।