विश्वकप लिग-२ खेल्न भारत हुँदै नामिबिया जाने टिमलाई बिदाइ

काठमाडौं- नेपाल क्रिकेट संघ (क्यान) आइसिसी क्रिकेट विश्वकप लिग–२ खेल्न नामिबिया जाने राष्ट्रिय क्रिकेट टोलीका सदस्यलाई बिदाई गरेको छ।

एक साता लामो अभ्यासका टोली लागि भारत प्रस्थान गर्नुअघि बिदाइ गरिएको हो। टोली आजै भारत प्रस्थान गरिसकेको छ। 

नेपाली टोलीले भारतको दिल्लीमा २ खेल खेल्नेछ। त्यहाँको प्रदेशस्तरको टिमसँग खेल्न लागेको हो। नोभेम्बर २४ र २६ तारिखमा दिल्लीमा खेल हुने तालिका छ। बाँकी समयमा नेपालले अभ्यास गर्ने क्यानले बताएको छ।

दिल्लीबाटै नेपाल नामिबिया भ्रमणमा निस्किनेछ। नामिबियामा नेपालले लिग-२ को त्रिकोणात्मक सिरिज खेल्नेछ।