विश्वकपमा नेदरल्यान्ड विजयी, अमेरिका बराबरीमा रोकियो

काठमाडौं- कतारमा जारी विश्वकपमा सोमबार राति भएको खेलमा नेदरल्यान्ड विजयी भएको छ। 

अलथुमाना रंगशालामा भएको खेलमा नेदरल्यान्डले अफ्रिकन च्याम्पियनलाई २-० गोल अन्तरले पराजित गरेको छ। खेलको ८० मिनेटसम्म गोलरहित बराबरी खेलेको नेरल्यान्डले ८४औ मिनेटमा फ्रेन्की डीजोङको अशिष्टमा कोडी गाक्पोले गोल गर्दै टिमलाई खेलको अन्त्यतिर अग्रता दिलाए। 

त्यसपछि खेलको अतिरिक्त समयमा क्लासिनले गोल गर्दै नेदरल्यान्डको जीत सुनिश्चित गराए। योसँगै ग्रुप ए मा रहेको नेदरल्यान्ड एक खेलबाट तीन अंक जोड्दै तालिकाको दोस्रो स्थानमा उक्लिएको छ। समान तीन अंक जोडेको इक्वेडर तालिकाको शीर्ष स्थानमा रहेको छ।

त्यस्तै सोमबार नै भएको अन्तिम खेलमा अमेरिका र वेल्सले एक-एक गोलको बराबरी खेलेका छन्।  तिमोथी वे ले गोल गर्दै अमेरिकालाई सुरुवाती अग्रता दिलाएका थिए। तर वेल्सका कप्तान ग्यारेथ बेलले ८२ औ मिनेटमा पेनाल्टी मार्फत गोल गर्दै खेललाई १-१ गोलको बराबरीमा ल्याए।  

समूह बी मा इङगल्यान्ड तीन अंक सहित तालिकाको शीर्ष स्थानमा रहेको छ। त्यस्तै अमेरिका एक अंकसहित दोस्रो स्थानमा रहेको छ भने वेल्स पनि समान एक अंक सहित तेस्रो स्थानमा रहेको छ। उता अंक विहीन इरान तालिकाको पुच्छरमा रहेको छ।