साका, बेलिङ्घम र स्टर्लिङको गोलमा इंग्ल्यान्डलाई पहिलो हाफमै ३-० को अग्रता

काठमाडौं– कतार विश्वकपमा पहिलो इंग्ल्यान्डले पहिलो हाफमा नै इरानविरुद्ध तीन गोलको अग्रता बनाएको छ। कतारको दोहास्थित रंगशालामा भएको खेलमा जुडे बलिङघमले खेलको ३४औं मिनेटमै गोल गरेपछि इंग्ल्यान्डले अग्रता बनाएको हो।

खेलको १० मिनेट नहुँदै इरानले पहिलो रोजाइको गोलकिपर गुमाएपछि उनी 'सब्टिच्युट' भएका थिए। पहिलो पटक गल्फ देशमा भइरहेको प्रतियोगितामा मा इरानले पहिलो हाफमै गोल व्यहोरेको हो।

इंग्ल्यान्डका लागि जुडे बेलिङघम र बुकायो साका र रहिम स्टर्लिङले गोल गरेका हुन्। साकाले ४२ औं मिनेटमा र रहिमले खेलको इन्ज्युरी समयमा गोल गरेका थिए। स्टर्लिङले विश्वकपमा यो पहिलो गोल गरेका हुन्।

त्यस्तै, २००३ को जनवरी २९ मा जन्मिएका बेलिङ्घमले इंग्ल्यान्डको लागि सुरुवाति गोल गरेसँगै उनी इंग्ल्यान्डबाट गोल गर्ने सबैभन्दा युवा खेलाडीसमेत बनेका छन्।

पहिलो हाफका गोलकिपरको इन्ज्युरी कारण सुरुआतमै खेल लामो समय रोकिएपछि १४ मिनेटका इन्ज्युरी समय थप गरिएको थियो।