ओखलढुंगाका एकै स्थानमा दुई बम फेला, सेनाद्धारा डिस्पोज

ओखलढुंगा- जिल्लाको मोलुङ गाउँपालिका ३ मा आज बिहानै फेला परेको दुई वटा शंकास्पद वस्तु बम भएको पुष्टी भएको छ।

मोलुङ गाउँपालिकाको वडा नम्बर ३ प्राप्चा र वडा नम्बर ४ हर्कपुर जोड्ने कुल खोलाको पक्की पुलमा शंकास्पद वस्तु फेला परेको थियो।

पुलको दुवैतर्फ ढुङ्गाले सडक अबरोध गरेर प्रेसर कुकुरमा तार जोडेर खतरा लेखिएको थियो भने अर्कोतर्फ स्टिलको क्यानमा तार जोडेर खतरा लेखिएको वस्तु फेला परेको थियो।

शंकास्पद बस्तुसँगै नेपाल कम्युष्टि पार्टी (क्रान्तीकारी माओवादी) को चुनाव बहिष्कार सम्बन्धि पोस्टर र पर्चा समेत फेला परेको प्रहरीले जनाएको छ

बाटोमा हिँड्ने क्रममा संकास्पद वस्तु फेला परेपछि स्थानीयले नजिकको प्रहरीलाई खबर गरेका थिए।

खबर पश्चात सदरमुकामबाट थप नेपाल प्रहरी,सशस्त्र प्रहरी र नेपाली सेनाको बम डिस्फोजर टोली त्यसतर्फ गएको थियो।

टोलीले आवश्यक छानबिन गर्दा उक्त २ वटै शंकास्पद बस्तु बम भएको पुष्टी भएको प्रमुख जिल्ला अधिकारी दिलकुमार तामाङले जानकारी दिए।